Nobyembre ngayong taon nang masayang ibinahagi sa publiko ng Celebrity Cruises ang kanilang pinakabago at high-tech na expedition cruise ship, ang Celebrity Flora.
Sakay ng kanyang mga pasahero at crew, ay gagalugarin umano ng Celebrity Flora ang ganda ng Galapagos Islands sa Ecuador. At para hindi masira ang kapaligiran ng Galapagos, minarapat ng may-ari ng barko na gawin itong eco-friendly.
Upang mapanatili ang posisyon ng barko sa tubig na hindi nasisira ang mga corals at iba pang yamang-tubig, gagamit ang Celebrity Flora ng isang ‘anchorless’ technology.
Sa pagtitipid ng gasolina ay hindi rin pahuhuli ang Celebrity Flora na kayang bawasan hanggang 15% ang kanyang fuel consumption – high-tech at mas pinaganda kasi ng Celebrity ang propulsion system at hull design ng naturang barko.
“Celebrity Flora marks another example of our revolutionary ship design by allowing the destination and its environment to influence every decision we’ve made,” ang sabi ni Lisa Lutoff-Perlo, President & CEO, Celebrity Cruises, na naibalita sa World Maritime News website.
“ From the luxurius all-suite accommodations to industry-first, eco-friendly innovations, we created a ship that brings a new level of luxury, sustainability and natural exploration to the region,” and dagdag pa ni Lutoff-Perlo.
Sa Lobith Yard No. 488 popormahin ang Celebrity Flora. Habang inaabangan naman ng marami ang unang paglalayag nito sa Mayo 26, 2019.
Source: World Maritime News, Facebook
Image Courtesy: Celebrity Cruises, Galapagos Island Tourism Center
What can you say about Celebrity Flora?
Share your thoughts. Leave a reply below.
The Seaambassador's Blog 